Սուրբ Պետրոսի յաջորդ` Պօղոս Զ Քահանայապետի ուխտագնացութիւնը Սուրբ Երկիր, 4 – 6 Յունուար
1964։
4 Յունուար 1964-ին Հռոմէն մենելով բառացիօրէն յայտնեց. «Ճշմարիտ է ըսուած, որ Յաջորդը`
առաջինը Առաքեալներէն, Ի դարեայ պատմութենէն վերջ, կը վերադառնայ հո՛ն ուրտեղէն Պետրոս`
քրիստոնեայ Պատգամին կրողը մեկնած էր: Մեր ուխտագնացութիւնը վերադարձ մըն է դէպի Քրիստոնէութեան
օրրան, ուր աւետարանական մանանեխի հատիկը նետած է իր առաջին արմատները` տարածուելով սաղարթախիտ
խառի մը նման, իր շուքին տակ առնելով ամբողջ աշխարհը»:
Ամման հասնելով, թագաւորին
ողջոյնի խօսքը ուղղած ատեն, Պօղոս Զ ընդգծած է որ իր այցելութիւնը հոգեւոր բնոյթ կը կրէ,
խոնարհ ուխտագնացութիւն մըն է դէպի Քրիստոսի ծննդեան, կեանքի եւ Չարչարանքի Սուրբ Վայրերը:
Բոլոր այս ուխտավայրերու մէջ աղօթած է խաղաղութեան համար, ա՛յն խաղաղութեան, որ Քրիստոս
թողուց իր աշակերտներուն եւ աշխարհը զայն չի կրնար տալ:
Երուսաղէմի ճամբուն`
Սրբազան Պապը կը կենայ Յորդանան` այն վայրին մօտ ուր աւանդութեան համաձայն Յիսուս մկրտուած
էր, եւ կ’աղօթէ «Հայր Մեր»ը:
Երուսաղէմ մտած ատեն Քահանայապետը բարեւեց Սուրբ
Երկրի քաղաքապետը եւ բնակիչները` աղաղակելով. «Այսօր մեզի համար հնարաւոր է ա՛յն` ինչ
որ Պատրիարքներու, Մարգարէներու եւ Սուրբ Գերեզման այցելող բազմաթիւ ուխտաւորներու համար
երազանք մըն էր»:
Նոյն օրը` 4 Յունուար, Քահանայապետը այցելեց Սուրբ Գերեզման,
ապա հանդիպում ունեցաւ Կաթողիկէ եւ Արեւելածէս համայնքներու հետ` նշելով զանազանութեան
կարեւորութիւնը միութեան մէջ եւ աւելցուց. «Ամէնէն առաջ Պաղեստինի մէջ էր, որ առաքեալները
տարածեցին Քրիստոսի հաւատքը եւ Եկեղեցիներ հիմնեցին: Հետագային ցրուելով աշխարհով մէկ`
տարածեցին նոյն հաւատքը: Ամէն ազգ ընդունեց անոնց քարոզութեան բարի սերմը իրեն բնորոշ
մտայնութեան եւ մշակոյթի համաձայն: Ամէն տեղական Եկեղեցի աճեցաւ իրեն յատուկ անհատականութեամբ,
խորհուրդներու մատակարարման իր սովորութիւններով` առանց Քրիստոսի կողմէ հաստատած կարգի:
Ա՛յս է սկիզբը` միութեան մէջ մեր զանազանութեան»:
4 Յունուար 1964-ին, Պօղոս Զ
հանդիպեցաւ Հայ Պատրիարքին Եղիշէ Տէրտերեանին հետ, իր ողջոյնի խօսքին մէջ յիշելով Վատիկանեան
Բ տիեզերական Ժողովին` Հայ Եկեղեցւոյ դէտերու ներկայութիւնը: Սրբազան Պապը ողջունեց կաթողիկէ
եւ հայ համայնքներու` Սուրբ Գերեզմանի Եկեղեցւոյ վերանորոգման համերաշխ համագործակցութիւնը`
նշելով վերջինիս կարեւորութիւնը քրիստոնեայ աշխարհէն ներս:
Սրբազան Պապը այցելեց
նաեւ Նազարէթի ` Աւետման Մայր Եկեղեցին: Ապա տեղի ունեցաւ Պօղոս Զ եւ Աթենագորաս Պատրիարքին
պատմական հանդիպումը: Առանձնական երկխօսութենէն վերջ Քահանայապետը Պատրիարքին նուիրեց
Սկիհ մը` միասին ընդհանուր սկիհէն համապատարագելու մաղթանքով: Հանդիմպման աւարտին` լատիներէն
եւ յունարէն լեզուներով արտասանուեցաւ «Հայր մեր»ը: